Tapaleuk

Makan di Pinggir Jalan

Sakarang ni makanan yang dong jual di pinggir jalan mus lia bae-bae. Dong taro barang aneh- aneh na. Makan abis sonde

Makan di Pinggir Jalan
GRAFIS POS KUPANG/TYA MEOK
ilustrasi 

POS-KUPANG.COM - "Lu sembarang sa! Itu ada boraks deng formalin. Lu mau jadi mayat. Jang beli memang itu makanan te nanti beta papoko sang lu."

Ina Feok mangomel dia pung anak yang beli makanan ringan di pinggir jalan. Maitua ada iko penyuluhan tu kapan hari na.

Sakarang ni makanan yang dong jual di pinggir jalan mus lia bae-bae. Dong taro barang aneh- aneh na. Makan abis sonde apa-apa ma dua tiga taon lai baru rasa.

Ramalan Zodiak Malam ini, Sagitarius Dihantui Kaka-katanya Sendiri, Virgo Menikmati Hasil

SEGERA Live Streaming Anthony Ginting vs Shi Yuqi di BWF World Tour Finals 2018

Intip Penampilan Para Idol Kpop di Red Carpet MAMA 2018 di Jepang, Ada Wanna One Hingga BTS!

Ini anak muka su kasian sa. Bibir tagantong ko su mau menangis. Ma Ina Feok sonde toe. Maitua hela bawa ko pi beli beskoet di paman.

Sampe di ruma balom barenti bae-bae, maitua dara nae lai. Ini anak satu sonde tau barenti beken kasus. Dia ame badak sonde tau dari mana ko maen gosok dari kaki sampe rambut. "Biar ko licin to. Supaya cantik ke artis."

Ina Feok makan gigi baru pi hela badan di itu anak. "Lu tau ko sonde. Ini hanya buat orang besar sa. Lu kici ana ju mau pake bagini. Nan muka dong babopeng ke orang gila tu. Lu mau bagitu?"

Ama Tobo hanya dudu sa ko lia Ina Feok. Baitua isap tembako sek ko malas tau. Ama Tobo pikir Ina Feok batul ju. Jang makan sembarang. Biar rubus sa ju, lebe bae makan di ruma. Dar pada makan di pinggir jalan baru ais penyaki to. (Sipri Seko)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Sipri Seko
Editor: Putra
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved