Tapaleuk

Perlu Doi Banyak

Ina Feok sonde ame pusing, dia hanya diam ko langsung masok pi dalam rumah. Dia barenti cape ko langsung pi

Perlu Doi Banyak
GRAFIS POS KUPANG/TYA MEOK
ilustrasi 

POS-KUPANG.COM - Ina Feok masih bajual di pasar ma hujan su turun jadi dia takut nanti pulang sonde bisa lewat kali te ada banjir.

Karna ujan lebat, Ina Feok tunggu ko barenti baru dia pulang.

"Ina kenapa lu pulang su sore bagini. Besok kalo bagini lu jang pulang sa," Ama Tobo tao foe apa ko mangomel dia pung maitua.

Ina Feok sonde ame pusing, dia hanya diam ko langsung masok pi dalam rumah. Dia barenti cape ko langsung pi bamasak .

Wah, Ternyata 6 Zodiak Ini Paling Cocok Pakai Baju Putih. Anda Termasuk?

Drakor Clean With Passion For Now Rating Tertinggi di Episode 1, Malam ini Episode 2 Tayang

Rayakan Ulang Tahun, Jin BTS Menulis Surat untuk ARMY dan Beri Santunan untuk Hewan Telantar

Ama Tobo dia marah karna dia su lapar, waktu pulang ojek sonde ada makanan andia ko dia tensi naek.

"Ama kenapa lu pung muka sama ke orang baru abis minum moke," Bai Ndu su muncul di Tobo pung muka.

Ama Tobo sengaja son dengar ko dia ada pangku kaki diam-diam.

Bai Ndu su tao kalo Tobo model bagitu pasti ada koslet deng dia pung maitu.

"Ama e, katong pung jalan ini kapan pemerentah dong mo bangun ini. Su musim hujan bagini katong son bisa jalan pi man-mana lai," Bai Ndu mulai omong soal jalan
Ama Tobo dengar dia langsung balek muka pi Bai Ndu karna dia juga senang kalo jalan su bae pasti dia bisa lancar ojek.

"Itu su ama, beta pung mao kalo pemerenta dong mo bangun, na bangun dahulu katong pung jalan, kalo sonde musim hujan katong son bisa pi pasar deng kantor camat," Ama Tobo semangat mati pung.

Ina Feok yang muncul bawa kopi kas dong dua langsung dudu juga ko dengar. "Ama batul ko ini beta baru pulang dar pasar karna musti tunggu itu banjir kurang baru bisa langgar," Ina Feok omong bagitu ko dia pung laki dengar, kalo dia pulang terlambat karna ada banjir.

"Na ko beta ada dengar pemerenta mo bangun ini jalan termasuk jembatan supaya katong bisa lewat na aman," Bai Ndu sambung Ina Feok.

"Bosong dua omong ma andia kalo doi son cukup berarti son jadi bangun. Basong tao ko sonde kalo mo bangun jalan ato jembatan itu butuh doi banyak, andia katong boleh rencana ma kalo uang son ada berarti sama sa," Ama Tobo bangun ko ame tembako makan kas Bai Ndu. (Oby Lewanmeru)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved