Tapaleuk

Cari Posisi Aman Su

Ini hari dong dua makan di Ama Tobo pung rumah karna Bai Ndu ulang taon. Dia ultah ma son ada yang bamasak

Cari Posisi Aman Su
GRAFIS POS KUPANG/TYA MEOK
ilustrasi 

POS-KUPANG.COM - Bai Ndu su bertobat andia ko sakarang son isap rokok lae. Di dia pung rumah ju su sonde ada tamba abu rokok.

Dia tiap hari bawa oto gogo masok sampe di kantor-kantor.

"Ama lu itu hari beta su bilang kalo lu mao na bawa beta pung oto sa," Ama Tobo tawar Bai Ndu.

Ini hari dong dua makan di Ama Tobo pung rumah karna Bai Ndu ulang taon. Dia ultah ma son ada yang bamasak andia dia minta tolong Ina Feok yang bamasak.

3 Zodiak Cewek ini Dikenal Pemarah, Cek Yuk Bagaimana Cara Menyikapinya!

Drakor Clean With Passion For Now Rating Tertinggi di Episode 1, Malam ini Episode 2 Tayang

Film BTS Burn The Stage: The Movie Menjadi Film Terlaris di Amerika

"Katong omong-omong, tapi beta dengar sonde lama lai katong pung bapa gubernur mo rombak itu kantor deng dinas dong," Ama Tobo makan puji karna dia baru habis baca koran na.

"Ama lu jang buat isu omong kosong, te lu tao ko sonde sakarang ini omong kosong itu ada hukumannya. Jadi lebe bae jang omong yang balom batul," Ina Feok togor dia pung laki.

"Ina kalo lu son percaya na coba lu tanya Bai Ndu. Bai Ndu bagini-bagini ma dia banyak informasi soalnya dia tiap hari pegawe dong langganan ko dia antar pergi pulang kantor," Ama Tobo tunjuk Bai Ndu.

Bai Ndu yang makan puji te dia langsung pangku kaki.

"Beta mo omong deng bosong dua ma beta taku jang sampe bosong dua kas bocor lai na sudah. Nanti beta pung langganan yang pegawe dong curiga beta yang bakastao," Bai Ndu omong pelan-pelan.

"Ama e, ko lu sama ke orang laen sa. Kalo lu omong ju katong mo bikin apa," Ina Feok omong sang Bai Ndu.

Bai Ndu tiap hari ada muat pegawe dari kantor gubernur sana jadi dia ada tao ju ma sengaja munafik.

"Bai Ndu biar lu son mo omong ju, beta tadi su dengar, jadi lu liat sa pasti taon depan su ada perubahan pejabat dong," Ama Tobo su bongkar sadiki.

"Ina deng Ama, beta sebenarnya son mo omong tapi beta su anggap bosong dua beta pung sodara, jadi be mo kastau, sakarang ini ada banyak yang takut, ma ada juga yang cari-cari posisi aman," akhirnya Bai Ndu mulai kas kaluar dia pung rahasia samua. (Oby Lewanmeru)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang atau melayu Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved