Tapaleuk

Urus Bae-bae o

Memang su hamper satu bulan Tobo sibuk jadi son pernah ada di rumah. Tobo ju pegang jabatan penting na andia

Urus Bae-bae o
GRAFIS POS KUPANG/TYA MEOK
ilustrasi 

POS-KUPANG.COM - Ama Tobo hampir satu bulan ni sonde pernah tenang di rumah, soalnya dia ada pusing karena dong pung kantor ada mau ganti pimpinan na.

Apalai su mo tutup taon. Ama Tobo bagini-bagini ma dia ada kerja di bank juga na.
Setiap hari dia maso kerja pagi sekali, balom dia harus bantu dia pung bini urus jalan di kios.

"Basong dua ini kanapa ko su mo satu bulan jarang di rumah. Katong cari ko mo togor sa susah," Bai Ndu tanya dong dua .

Ramalan Zodiak Malam ini Gemini Jadi Bahan Pergunjingan, Cancer Jangan Mencoba Melawan Arus

Jadi Drama Korea Pertama yang Tayang di Youtube, Ini 4 Fakta Drakor Top Management

Gubernur NTT Viktor Laiskodat Sebut Hanya Manusia Cerdas Masuk Surga. Orang Miskin?

Memang su hamper satu bulan Tobo sibuk jadi son pernah ada di rumah. Tobo ju pegang jabatan penting na andia ko dia pulang su tengah malam.

Dia biasa jalan pi Bai Ndu, ma karna sonde pi andia ko Bai Ndu datang cari.

"Ama e, bosong dua ada tasibu apa, ko katong datang di rumah son pernah katumu. Ini hari beta datang baru lia bosong dua ni. Ada acara apa ko bosong dua son pernah di rumah, " Bai Ndu tanya tarus.

"Ama, lu tanya tarus sama ke polisi sa. Lu son tao ko sakarang ini mo akhir taon jadi katong kerja lembur tarus, Lu liat sa, di mana-mana orang kantor dong pulang lat tarus," Tobo nada agak tinggi.

Bai Ndu baru inga kalo su Ama Tobo ada kerja di Bank EnTeTe, apalai su mo akhir taon jadi Ama Tobo dong mo tutup buku na.

"Ama beta minta maaf e, beta lupa kalo ama ju sibuk di bank. Tapi beta hanya mo janji supaya ama dong urus bae-bae itu bank te itu bank su jadi kebanggaan katong orang EnTeTe," Bai Ndu su nasehat kembali Tobo. (Oby Lewanmeru)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved