Tapaleuk

Nae Kena Batu

Su amper dua bulan, Bai Ndu sonde ada waktu bajalan, dia hanya fokus pi kerja. Bai Ndu takut terlambat andia

Nae Kena Batu
GRAFIS POS KUPANG/TYA MEOK
ilustrasi 

POS-KUPANG.COM - Su amper dua bulan, Bai Ndu sonde ada waktu bajalan, dia hanya fokus pi kerja. Bai Ndu takut terlambat andia ko dia pi pagi tarus.

"Ama lu su dua bulan ini, beta son pernah lia lu pagi-pagi," Ama Tobo su tao ma sengaja tanya.

"Ama e, katong sekarang kerja tertib ko abis gubernur baru ini minta semua harus kerja tertib dan kerja cepat," Bai Ndu sambung Ama Tobo.

Kebetulan itu hari Sabtu jadi Bai Ndu son pi kantor.

Baca: Ramalan Zodiak Malam ini - Aquarius Cenderung Emosional, Taurus Bukan Saatnya Keras Kepala

Baca: Film BTS Burn The Stage: The Movie Menjadi Film Terlaris di Amerika

Baca: Jadi Drama Korea Pertama yang Tayang di Youtube, Ini 4 Fakta Drakor Top Management

Ina Feok ju son pi bajual jadi dong tiga baomong rame.

"Woe ama beta dengar katong pung gubernur ini gerakan cepat jadi bilang pegawe dong harus kerja iko baptua pung gaya," Ina Feok agak mengerti sadiki.

"Batul su Ina e, sakarang banya pegawe yang takut ko su kerja rajin. Kalo sonde te dong pulang makan siang tu su langsung pulang ko maso kantor lai," Bai Ndu dukung Ina Feok.

Ama Tobo ju angguk tarus te dia pung mulu su pono deng tambako makan.

"Beta ju su dengar te pegawe dong sakarang musti semangat kalo sonde na payah. Katong maso kantor tertib pulang musti tertib, " Ama Tobo kasi ingat Bai Ndu.

"Kasian itu pegawe dong, kalo tinggal jao na sudah musti datang kantor mas gelap. Tapi menurut beta biar su ko itu pegawe dong sakarang su nae kena batu. Dong kira mo main-main sa," Ina Feok bangun pi masak aer panas. (Oby Lewanmeru)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved