Tapaleuk

Jaga Supaya Jang Mabok

Dia balom mandi habis te Bai Ndu su datang ko bersiul-bersiul. Ina Feok yang liat Bai Ndu te dia tamba mangomel lai.

Jaga Supaya Jang Mabok
GRAFIS POS KUPANG/TYA MEOK
ilustrasi 

POS-KUPANG.COM - Ama Tobo su bertobat ko dia sakarang son mo minum laru lai. Tapi tao kanapa ko ini hari dia ada semangat matipung, karna ada dapa info bilang sakarang pemerentah dong son larang bajual sopi.

"Ama lu sakarang semangat apa. Biasa lu pagi-pagi duduk diam-diam, ma ini hari lu ada foe apa ko lu bangun masih galap ini," Ina Feok tanya dia pung laki.
Ina Feok ada mangomel karna dia masi mangantok ma Tobo su bangun habok siri pinang ko ada baribut.

Baca: Kulit Sagitarius Gampang Memerah, Kulit Capricorn dan Libra Sering Bermasalah, Zodiak Lain?

Baca: Jadi Drama Korea Pertama yang Tayang di Youtube, Ini 4 Fakta Drakor Top Management

Baca: Daebak! Tiket Film BTS Burn The Stage: The Movie Terjual 1,4 Juta, Kalahkan Rekor Film One Direction

"Ina e, beta ini hari mo pi katemu deng orang yang jual sopi dong ko jang bajual sambunyi-sambunyi te pemerentah dong su kasi izin na,"
Ama Tobo su bangun ko mo mandi.

Dia balom mandi habis te Bai Ndu su datang ko bersiul-bersiul. Ina Feok yang liat Bai Ndu te dia tamba mangomel lai.

"Lu kanapa ko bersiul pagi-pagi, orang balom bangun lu su manoso apa ko datang," Ina Feok sambar Bai Ndu.

Padahal Bai Ndu ada sanang karna dengar pemerentah son larang jual sopi dong.
"Ina bagini, katong ada bersyukur karna pemerentah dong son larang bajual sopi," Bai Ndu omong pelan-pelan.

Ama Tobo yang mandi ma dia dengar ko dia mandi cepat-cepat.

"Ama lu su bastel pagi-pagi mo pi mana," Ama Tobo bikin muka munafik ko sengaja tanya Bai Ndu.

Dalam hati Ama Tobo bilang sebentar ni katong su bisa mabok, apalai ada pesta di tetangga.

"Ama lu ju su mandi ko mo pi mana lai. Jang sampe bosong dua ada rencana jahat di mana," Ina Feok mengomel dia pung laki.

Bai Ndu biasa omong terbuka jadi dia bilang dong dua ada mo pi tampa bajual sopi.
"Memang tadi Tobo bilang pemerentah su izin jual itu sopi, ma harus ada atoran supaya orang minum ada batas, bagitu ju yang bajual," Ina Feok kasi pikiran ke hebat-hebat.

Tobo deng Bai Ndu son nodek ko dong dua liat matahari su naek dong dua langsung kabur pi dahulu di pak laru. (Oby Lewanmeru)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved