Tapaleuk

Mas Ada Ju Yang Ame Doi PIP?

Ama Tobo bilang deng dia pung bini ko siap mo pi bank deng dong pung ana untuk ame doi beasiswa

Mas Ada Ju Yang Ame Doi PIP?
GRAFIS POS KUPANG/TYA MEOK
ilustrasi 

POS-KUPANG.COM - Ama Tobo bilang deng dia pung bini ko siap mo pi bank deng dong pung ana untuk ame doi beasiswa, karna mau pi beli buku ko supaya dong pung ana bisa siap ko mo iko try out yang su makin deka.

"Awi jang sampe ko kotong pung ana pung beasiswa kana potong o. Beta dapa dengar dari ibu yang anggota dewan tu, ada yang potong beasiswa PIP satarus ribu rupia memang. Beta rasa kalo su ada info sapa yang dep ame itu doi, na sikat su, jang kas tenga lama-lama. Orang ke bagitu tu musti hiki memang dia pung leher, ko orang laen tau taku," Ina Feok manyao deng dia pung laki.

Baca: Julukan Khas Untuk Setiap Zodiak, Pisces Sensitif, Aquarius Penyabar, Aries PD, Zodiak Lain?

Baca: Inilah 6 Drama Korea yang Dibintangi Shin Won Selain Drakor Legend of The Blue Sea

Baca: Daebak! Tiket Film BTS Burn The Stage: The Movie Terjual 1,4 Juta, Kalahkan Rekor Film One Direction

Maitua mulai boto-boto su. "Ada orang yang tar tau malu bagitu macam ju, ana susa pung doi na dong ceke. Musti capat su tangani itu hal, jang lama-lama lai,"
Ama Tobo hanya sonde manyao deng dia pung bini karna bapatua ada tasibu di luar kas barisi kintal yang ponu deng sampa karna su musim ujan.

"Daripada lu baribut deng orang yang dep itu doi, lebe bae lu capat pi ame doi ko beli buku biar ko itu ana bisa balajar. Itu bukan kotong pung urusan, kotong harap sa dong capat urus," Ama baomong sambil pee mata deng maitua ko supaya capat jalan su. (Hermina Pello)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Hermina Pello
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved