Tapaleuk

Ama Tobo Kena Tilang

Bai Ndu su mau makan sang Ama Tobo sa. Kakodok stenga mati. "Lu model bagini yang mau jadi ular deng buaya.

Ama Tobo Kena Tilang
GRAFIS POS KUPANG/TYA MEOK
ilustrasi 

POS-KUPANG.COM - Ama Tobo ini hari puku dada. Baitua makan puji deng Bai Ndu. Baitua deng Ina Feok bastel ko mo pi pesta. Pakean dalam lemari dong kas kaluar ko necis mati sa.

"Beta ni serba salah e. Kamomos, dong bilang ke ular. Pake bastel sadikit dong bilang beta buaya. Memang susah ju jadi orang ganteng. Beken apa-apa salah."

Bai Ndu su mau makan sang Ama Tobo sa. Kakodok stenga mati. "Lu model bagini yang mau jadi ular deng buaya. Pi ko lia lote bae-bae di kaca baru baomong. Jang sampe tadi bu tabrak setan siang-siang."

Baca: Julukan Khas Untuk Setiap Zodiak, Pisces Sensitif, Aquarius Penyabar, Aries PD, Zodiak Lain?

Baca: 7 Kali Lee Je Hoon Membuat Kita Terbenam dalam Episode 9-12 Drakor “Where Stars Land”

Baca: Daebak, Ed Sheeran Bakal Kolaborasi Bareng BTS? Yuk Simak Faktanya!

Ama Tobo su sonde toe lai deng Bai Ndu. Baitua bangun fuik pake motor. Bai Ndu badiri ko tanganga liat Ama Tobo su jalan.

Balom lima manit, Ama Tobo su muncul di bok. Jalan kaki. Bai Ndu beken ke sonde dapa liat. Baitua sengaja maen HP tarus. Ama Tobo napas satu-satu.

"Beta kena tilang nyadu. Beta pikir su pake rapi ko sonde pake helm. Takut rambut batasiram na. Tau hal te di ujung jalan polisi dong batilang. Kena angkut su to. Surat lengkap ma helem sonde ada na. Makanya beta pulang ko ame helem baru bisa bawa motor."

Bai Ndu sonde sambung. Ama Tobo yang kakodok stenga mati angka helem ko jalan. Baitua sonde nodek ju di Bai Ndu. "Makanya nae motor lengkap. Kena tilang bagini baru muka bodok." (Sipri Seko)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Sipri Seko
Editor: Putra
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved