Tapaleuk

Katong Su Tanam Marungga

Dong dua masih baomong te, Bai Ndu su senyum-senyum dar jao. Bai Ndu agak hitam jadi dar jao hanya kelihatan dia

Katong Su Tanam Marungga
GRAFIS POS KUPANG/TYA MEOK
ilustrasi 

POS-KUPANG.COM - Ama Tobo sekarang sonde ojek lai, karna dia pung motor ada maso bengkel, andia ko dia sonde bajalan.

"Ama lu kenapa son pi cari doi ko, katong pung garam sonde ada lai," Ina Feok tanya dia pung laki.

"Mama boi e, lu son tao ko, motor su berapa hari ada tadudu di bengke sana. Berdoa sa supaya ini hari bisa kaluar bengkel," Ama Tobo bikin muka kasian.

Dong dua masih baomong te, Bai Ndu su senyum-senyum dar jao. Bai Ndu agak hitam jadi dar jao hanya kelihatan dia pung gigi ma andia ada warna merah ju.

Baca: Ralaman Zodiak Malam ini - Libra Penuh Kekecewaan, Pisces Waktu Tepat untuk Bernostalgia

Baca: Inilah 5 Hal yang Bisa Kita Pelajari dari Film BTS: Burn The Stage

Baca: Drakor Terbaru Boyfriend Akan Segera Tayang November 2018, Penasaran? Catat Tanggal Penyangannya

"Ama deng Ina, bosong dua su dengar ko sonde, sakarang ini pemerentah dong suru musti tanam kelor di halaman rumah," Bai Ndu baru dengar itu kelor jadi dia omong.
Bai Ndu dalam hati takut kalo Tobo deng Ina Feok tanya kelor itu apa.

Dia ada pikir bagitu te Ina Feok su sambar sang dia. "Ama kelor itu apa, lu su omong sama ke pegawe di pertanian sana," Ina Feok mata melotot di Bai Ndu.

Ama Tobo ada dengar dia ju sengaja son tao itu kelor, padahal itu marungga.

"Woe bosong dua jang kolot dolo te kelor itu sama deng marungga. Bosong kaluar ko liat di belakang rumah sana, beta ada tanam itu yang nama kelor," Ama Tobo berdiri tongka dia pung pinggang.

Bai Ndu kaget karna ternyata kelor itu marungga. "Nah kalo bagitu di beta pung rumah ju ada. Itu pohon dia pung daun biasa beta rebus ko makan. Hanya biasa orang mabok laru ame dia pung daon ko kasi cium," Bai Ndu omong karna itu hari di pesta ada orang mabok ko ada cium itu daon kelor.

"Itu, ternyata pemerentah suru tanam marungga ma katong su tanam dari dolo. Katong pung bai nene dong dulu tanam marungga ko makan minum deng gula aer," Ina Feok inga di dia pung kampung marungga talalu banyak na.

"Kalo bilang marungga na, katong su tanam di kampong sana. Jadi kalo ada yang masih bingung soal marungga na datang ko katong pi beta pung kampong ko liat," Ina Feok bangun ko ajak Tobo deng Bai Ndu pi liat marungga di belakang rumah.

"Karna katong su tanam jadi kalo bagitu katong musti omong kalo ada pertemuan deng pemerentah dong. Katong musti kastao jujur bilang katong su tanam te jang sampe nanti pemerentah bilang katong son dukung program pemerenta," Bai Ndu tarek Tobo pung tangan ko dong pi liat marungga di belakang rumah sana. (Oby Lewanmeru)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved