Tapaleuk

Mari Kitong Menghayal

Ama Tobo bilang, kalau dia jadi orang besar, pasti pi mana-mana bawa Bai Ndu. Ina Feok dia kasih bastel ngeri pung.

Mari Kitong Menghayal
GRAFIS POS KUPANG/TYA MEOK
ilustrasi 

POS-KUPANG.COM -- AMA Tobo deng Bai Ndu dudu ko menghayal. Ama Tobo menghayal, kalau misalnya dia jadi orang besar. Te Bai Ndu menghayal, co kalo dia jadi orang kaya.

Ama Tobo bilang, kalau dia jadi orang besar, pasti pi mana-mana bawa Bai Ndu. Ina Feok dia kasih bastel ngeri pung. Kuteks deng alis mata rubah samua. Pokoknya beken ke artis.

Ais itu, dia kas sakolah Ina Feok supaya bisa baomong. Nanti kasih sambutan, Ina Feok musti ator bibir bae-bae supaya orang yang liat, senang.

Baca: Ramalan Zodiak Malam Ini, Minggu 18 November 2018, Gemini Jadi Jembatan Komunikasi

Baca: Jungkook BTS Suka Bikin Wajahnya Seperti Ini, Army Sudah Tahu?

Baca: Drama Korea Mr.Sunshine Raih Most Buzzworthy Drama, Disusul Drakor 100 Days My Prince

Bai Ndu lai, menghayal jadi orang kaya. Baitua nonton di tivi, bilang ada orang yang bisa beken doe banyak. Lu kasih satu lembar, dia bisa beken sampe satu karong. Itu yang Bai Ndu pung mau. Sonde cape bajual laru, doe maso sa ke aer.

Dudu menghayal, Ina Feok toki kas takuju Ama Tobo. "Ho te lu kira beta mau iko lu na. Jadi orang besar tu berat. Beban talalu banyak. Beken apa-apa, orang liat samua. Tasalah sadikit, kena mangomel. Parsetan dolo. Lebe bae kas makan babi, ko jual supaya dapat doe. Biar sadikit, ma makan puas."

Ama Tobo deng Bai Ndu sonde sambung. Dong sonde toe deng Ina Feok. Ama Tobo bilang pasti dia ame Bai Ndu jadi ajudan. Supaya Bai Ndu simpan laru di balakang, jadi pas cape, tenga masko langsung dari botol.

Bai Ndu bilang, nanti dia sonde bajual laru lai. Mau minum, tenga pi kafe, su ada. Pamalas jalan, telepon sa, minuman sampe. (Sipri Seko)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Sipri Seko
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved