Tapaleuk

Katong su Takurung

Pas dia bisik, dia pung tambako maan kena di Tobo pung talinga jadi Tobo dorong Bai Ndu ko amper jato.

Katong su Takurung
GRAFIS POS KUPANG/TYA MEOK
ilustrasi 

POS-KUPANG.COM -- Ina Feok pung mulut bergerak tarus ma son tao dia ada omong apa. Hanya dari jao dia pung laki deng Bai Ndu hanya liat Ina Feok pung mulut sama ke orang ada makan jagong goreng.

"Katong dua jang pi ko ganggu te mamtua kalo begitu dia ada foe," Tobo kas ingat Bai Ndu ko jang pi togor.

Bai Ndu hanya diam ko langsung duduk di bangku deng Tobo.

"Jang sampe mamtu pung jualan di pasar son laku ko apa," Bai Ndu bisik di Tobo pung talinga.

Baca: Jadi Drama Korea Pertama yang Tayang di Youtube, Ini 4 Fakta Drakor Top Management

Baca: Ramalan Zodiak Malam Ini, Minggu 18 November 2018, Gemini Jadi Jembatan Komunikasi

Baca: Jin Beli Apartemen Mewah, Terungkap Sikap Para Member BTS ke Tetangga Mereka

Pas dia bisik, dia pung tambako maan kena di Tobo pung talinga jadi Tobo dorong Bai Ndu ko amper jato. "Lu kalo makan tambako na jang taro banya-banya di mulu, nanti baomong bisa tampias ko kena orang laen," Ama Tobo kas ingat Bai Ndu.

Ina Feok su bangun ko datang suru dia pung laki pi cari minyak tanah te mo bamasak dong komfor su karing. "Beta mo bamasak pake kayu ma ko it kayu dong su babasa," Ina Feok suru Tobo ko jalan su.

Pas Tobo jalan, Ina Feok duduk bakawan deng Bai Ndu di muka rumah.

"Ina lu jang marah te beta mo tanya, kenapa ko tadi katong liat lu mangomel ma suara son kaluar," Bai Ndu omong ma dalam hati dia takut jang sampe mamtua masparak dia.

"Bagini ama, sapa yang son pikiran te sakarang ini pemerentah dong su larang orang bajalan pi cari karja di luar negeri sana. Na ama bayangkan, bukan hanya di luar negri sana te, kalo mo pi luar provinsi ju son boleh," ternyata Ina Feok ada pikiran karna dia pung ipar su urus surat-surat ko mo pi TKW.

"Nah, ko ais karmana su deng ana-ana yang mo pi cari kerja di luar negeri atau pi luar daera," Bai Ndu tanya lai.

Ina Feok bangun ko pi dekat Bai Ndu ko kastao bilang pemerentah su kas keluar surat supaya jang ada orang yang keluar dar EnTeTe lai.

"Lu mangarti ko sonde, su bilang kalo su ada keputusan di atas kertas berarti itu aturan su jalan. Jadi sakarang katong bisa apa su, hanya takurung dalam kampong," Ina Feok omong karna dia ju pernah pi TKW ko sampe dia deng Ama Tobo bisa bangun rumah.

Takuju Ama Tobo su sampe jadi dong tiga lanjut bahas soal mo karja di luar daerah ato di dalam.

"Beta su dengar dar itu hari jadi jang heran te pemerentah dong sakarang minta son boleh cari calon TKI lai, Apalai su ada surat hitam atas puti dar bapa gubernur, jadi samua harus taat ko jang pi bujuk orang jadi TKI lai," Tobo omong sama ke dia su liat itu SK. (oby lewanmeru)

Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved