Tapaleuk

Makan Muntar

Memang su hampe satu bulan Tobo sibuk jadi son pernah ada di rumah. Dia biasa jalan pi Bai Ndu

Makan Muntar
GRAFIS POS KUPANG/TYA MEOK
ilustrasi 

POS-KUPANG.COM - Ama Tobo hampir satu bulan ni sonde pernah tenang di rumah, soalnya dia pung keluarga banyak yang nikah. Makanya dar kumpul keluarga ia harus badiri.

Dia deng Ina Feok harus ada, soalnya dong dua maso keluarga inti.

"Basong dua ini kanapa ko su mo satu bulan jarang di rumah. Katong cari ko mo togor sa susah," Bai Ndu tanya dong dua .

Memang su hampe satu bulan Tobo sibuk jadi son pernah ada di rumah.
Dia biasa jalan pi Bai Ndu, ma karna sonde pi andia ko Bai Ndu datang cari.

Baca: Ramalan Zodiak Sabtu 17 November 2018: Aquarius Butuh Kerja Keras, Taurus Jangan Boros yah!

Baca: Inilah 5 Hal yang Bisa Kita Pelajari dari Film BTS: Burn The Stage

Baca: Drama Korea Mr.Sunshine Raih Most Buzzworthy Drama, Disusul Drakor 100 Days My Prince

"Ama e, bosong dua ada tasibu apa, ko katong datang di rumah son pernah katumu. Ini hari beta datang baru lia bosong dua ni. Ada acara apa ko bosong dua son pernah di rumah, " Bai Ndu tanya tarus.

Ama Tobo yang su bosan, langsung jawab bilang dong dua ada urusan dalam keluarga jadi son perlu orang luar tao.

"Ama, lu tanya tarus sama ke polisi sa. Lu son tao ko sakarang ini musim kawin. Lu liat sa, di mana-mana ada teng badiri deng bunyi musik ma lu mas batanya lai," Tobo nada agak tinggi.

Ina Feok yang dengar langsung buang sapu lidi ko lari datang ko tanya dia pung laki.
"Ama e, baomomg jang sama ke orang bakalai. Nanti tetangga dengar bilang katong kalo su di rumah na mulai baribut su," Ina Feok su duduk dekat Bai Ndu.

"Ina, beta tadi tanya bae-bae ma baptua mungkin ada emosi jadi ke masparak beta andia ko suara agak besar," Bai Ndu omong sang Ina Feok.

"Ama, lu dengar bayangkan sa, katong dua ini hamper satu bulan sonde di rumah. Liat sa kotorang di halaman beta su sapu dar tadi son tao barisi," Ina Feok alihkan dong dua pung pembicaraan.

Bai Ndu son kehilangan akal, dia pikir dalam hati ko mo buat Ama Tobo katawa.
"Ama beta su tao sakarang ini musim kawin, samua orang ada pesta, ma andia karna tampa pesta banyak deng waktu bersamaan, pasti Ama Tobo deng Ina makan muntar o," Bai Ndu omong begitu.

"Makan muntar Bai Ndu, lu sonde tao kalo pesta itu katong harus kas keluar uang. Lu jang pikir hanya di makanan sa ko lu omong muntar tari tadi. Kalo lu mao besok katong dia pi pesta, asal lu kuat makan sa. (oby lewanmeru)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik ini hadir setiap hari Senin sampai Sabtu ditulis para wartawan Pos Kupang

Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved