Tapaleuk

526 Orang Kana Hiki

Ina Feok bilang pamarenta deng semua unsur termasuk dari unsur agama, polisi dong musti buka mata su.

526 Orang Kana Hiki
GRAFIS POS KUPANG/TYA MEOK
ilustrasi 

POS-KUPANG.COM - Ina Feok ada maslalaek ame dia pung laki pung doi. Maitua su badoncis ko mo pi balanja di pasar. Dia lur-lur dia pung laki karna dia su rapi siap mo pi pasiar.

Tarlama te dia pung laki su badiri di dia pung rebis.

"Lu mau pakaneok deng sapa a..lu kira beta tar tau lu mau pi mana. Jang pi kas abis doi te skarang ini idop talalu susa. Lu lia sa, biar su bilang jang pi jadi TKI di luar deng cara sonde batul, ma orang dong tatap pi. Ini bulan sa su ada 536 orang yang kana hiki karna mo pi barangkat deng cara sonde batul," Ama Tobo kas kaget deng Ina Feok.

Baca: Begini Cara Setiap Zodiak Bertengkar Dengan Pasangan, Ada Yang Agresif, Pasif Dan Dendam

Baca: Jadi Drama Korea Pertama yang Tayang di Youtube, Ini 4 Fakta Drakor Top Management

Baca: Inilah Potret 7 Member BTS Saat Berambut Pink, Mana yang Paling Tampan?

Maitua karna su tahedek kana tangkap, jadi maitua sangaja omong pi tampa laen lai.

"Awi, pung banya lai. Berarti rata-rata satu bulan su ada 50an orang yang mo pi kaluar cari karja a. Ko coba dong mau pi na urus babae sa, biar ko barangkat ju hati aman. Ini mo barangkat sama ke pancuri sa, taku kana hiki,"

Ina Feok bilang pamarenta deng semua unsur termasuk dari unsur agama, polisi dong musti buka mata su.

"Karmana mo dapa doi kalo tar ada tampa buat karja. Jadi orang pi jadi TKI su. Kotong tunggu sa bapa gubernur yang skarang ni, waktu pidato pertama di dewan tu bilang TKI ilegal harus diberantas. Kotong tunggu sa gebrakan dari pamarentah ke apa, jadi orang dong lebe suka karja di tana sandiri daripada pi luar negeri," Ina Feok sangaja mo pi jalan bekin kopi kasi baptua ko bapatua lupa ame dia pung doi. (hermina pello)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik ini hadir setiap hari Senin sampai Sabtu ditulis para wartawan Pos Kupang

Penulis: Hermina Pello
Editor: Putra
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved