Tapaleuk

Ujan Lebat Fadok Kot Kupang

Dong dua bacarita ma Bai Ndu ju su langsung kas kaluar pisang goreng panas-panas kow doang dua makan pisang goreng

Ujan Lebat Fadok Kot Kupang
GRAFIS POS KUPANG/TYA MEOK
ilustrasi 

POS-KUANG.COM -- Ina Feok abis ujan su pi bacarita deng Bai Ndu di Bai pung teras ruma... Mamtua su foe kow datang pake baju panas deng calana lejing.
"Abis ujan udara di Kot Kupang langsung dingin mow mati saa..," kata Ina Feok.

Bai Ndu ju su langsung ba sambung....

"Awwiii... lu mo tauu tadi waktu ujan, beta tarek ame in salimut ato kaenn panas ko tutup ame ini badan. Abis bet son bisa ko dengar ame itu bunyi guntur deng kilat ya manyala dan ba bunyi pung makamiung laii di langiit laii," kata Bai Ndu.

Baca: Lawan Thailand di Piala AFF 2018, Pelatih Indonesia Harus Tempatkan 2 Pemain Kunci

Baca: Ramalan Zodiak Malam ini, Capricorn Layak Dapat Pujian dan Aries Mendengkur

Baca: Jusuf Kalla: Hanya 100 Ribu Peserta yang Lolos Seleksi CPNS 2018

Ina Feok langsung kas tunju in baju panas yang masi dia pake..

"Kow lu liaat ame ini, bet ada lapis ame ini baju panas abis ko tiba-tiba sa udara langsung dingin waktu abis ujan.... padahal sebelumnya, kota Kupang pung panasss laiii," kata Ina Feok.

Dong dua bacarita ma Bai Ndu ju su langsung kas kaluar pisang goreng panas-panas kow doang dua makan pisang goreng sambil masko kopi panas.

"Bet suka ujannn... ma asal jang talalu lebat.... kalo ujan turun palan-palan... pasti aer tanah akan lebe meresap pi dalam tana.... tapi kalo ujan langsung labat... maka bisa datang banjir dan aer ju langsung maluapppp cepat menuju ke laut," kata Bai Ndu.

Ina Feok cum katawa sa..." Berarti kitong dua pung filing sama woww... son suka ujan talalu labattt... biar hujan turun pelan ma asal lama biar ko ini tapungan aer tana di Kota Kupang bisa batahan... kalo musim panas," kata Ina Feok. (ferry ndoen)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik ini hadir setiap hari Senin sampai Sabtu ditulis para wartawan Pos Kupang

Penulis: Ferry Ndoen
Editor: Putra
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved