Tapaleuk

Takut Son Lolos

Karna Tobo tunggu su siang dia pi di Bai Ndu pung rumah. Dia sampe te Bai Ndu ada duduk deng dia pung kunyadu.

Takut Son Lolos
GRAFIS POS KUPANG/TYA MEOK
ilustrasi 

POS-KUPANG.COM - Pagi ini, Bai Ndu yang sonde bajalan, padahal biasa dia hamper tiap pagi su jalan di Ama Tobo pung rumah.

Ama Tobo yang su bangun pagi ko sengaja dudu di muka rumah mo tunggu Bai Ndu.

"Ama lu balom pi lia ayam dong ko kas makan ma dudu di situ bikin apa. Orang dong lewat lia lu pung muka mangantok di situ," Ina Feok mangomel dia pung laki.

Baca: Intip Ramalan Zodiak Kamis 15 November 2018: Taurus Ada Masalah Kecil & Sagitarius Butuh Perhatian

Baca: Inilah 6 Drama Korea yang Dibintangi Shin Won Selain Drakor Legend of The Blue Sea

Baca: Maia Estianty Sambangi Kantor Sang Suami, Sambutan Para Karyawan Bikin Irwan Mussry Heran

"Ina beta duduk ini karna tunggu Bai Ndu ko katong mo pi pasang Bai Ndu pung kunyadu pung baliho," Tobo kastao dia pung bini.

Karna Tobo tunggu su siang dia pi di Bai Ndu pung rumah. Dia sampe te Bai Ndu ada duduk deng dia pung kunyadu.

"Ama masok ko jang maloi-maloim. Katong sonde omong rahasia," Bai Ndu pange Tobo ko masok.

Dong tiga duduk ko bacarita soal calon-calon dewan dong yang ada rame kampanye.

"Karmana ama, katong ini ada omong te sakarang su mulai rame pasang baliho deng stiker andia ko masyarakat ju bingung," Bai Ndu su omong ke politikus sa.

"Memang batul su, hanya beta dengar orang dong bacarita di pasar sana bilang itu anggota dewan dong yang su dudu sakarang taku sonde lolos lai," Ama Tobo son mo kalah.

Tobo pung muka su merah karna dong dua bukan dudu kosong te ada tap laru satu jergen na.

"Makanya lu musti kastao lu pung ipar itu ko dia jang dudu di rumah sa, harus jalan -jalan. Kalo ada acara ko orang undang na musti dia ada, kalo sonde wajar sa kalo dia taku son lolos," Ama Tobo omong tarus ma andia mulut ju masko tarus itu laru putih.

Dong dua bacarita sampe sore ko lupa pi pasang baliho, akhirnya dong dua hanya pasang striker di Bai Ndu pung pagar rumah. (oby lewanmeru)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik ini hadir setiap hari Senin sampai Sabtu ditulis para wartawan Pos Kupang

Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved