Tapaleuk

Aer Mata Tadudu

Ama Tobo liat anak-anak nae badan dong batasibuk di jalan raya. Baitua sonde suka liat yang bagitu na. Apalai sakarang

Aer Mata Tadudu
GRAFIS POS KUPANG/TYA MEOK
ilustrasi 

POS-KUPANG.COM - Ama Tobo su tiga hari mata di tivi sa. Anak kici sonde ada yang berani dekat. Ina Feok ju ondor jao. Baitua duduk ko nonton TV.

Kadang baitua buka HP ko baca wotsap. Ada kawan dong yang kirim video, baitua nonton. Aer mata taduduk. Kadang baitua angka baju pung tangan ko lap idong.

"Sedih ka ne. Sonde sangka kejadian ke bagini. Alam pung pakariang, kitong sonde tau. Takuju sa ke mimpi. Baru abis senang-senang, aer sapu datang, ancor samua. Semoga basodara dong di sana bae-bae."

Baca: Petinju Berusia 13 Tahun Tewas Setelah Dipukul KO di Atas Ring, Masyarakat Desak Perubahan Aturan

Baca: Tengok Zodiak Kamis 15 November 2018 Esok, Gemini Kenapa Terselimuti Gelisah?

Baca: Inilah 6 Drama Korea yang Dibintangi Shin Won Selain Drakor Legend of The Blue Sea

Ama Tobo kalo sonde taku nae pesawat sa, su mau iko pi Palu ko bantu. Baitua dudu badiri sonde tenang liat tivi. Padahal, satu sodara pun sonde ada di Palu. Ma andia. Baitua hati talalu alus to. Dengar bagitu, hati tagores ko mau pi iko bantu.

"Bosong anak muda jangan duduk diam. Bangun ko pi bantu. Beken apa ko apa. Jangan duduk ko mabok sonde jalas. Beta papoko satu, nanti botak dong pinda pi kandok."

Ama Tobo liat anak-anak nae badan dong batasibuk di jalan raya. Baitua sonde suka liat yang bagitu na. Apalai sakarang ada gempa deng tsunami di Palu lai.

"Tuhan! Jaga kitong pung basodara di sana. Jangan kas tenga dong sandirian. Kasih dong kekuatan supaya kuat hadapi ini cobaan. Kalau memang ini rencana Tuhan, kitong sonde bisa lari kas tenga." (sipri seko)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik ini hadir setiap hari Senin sampai Sabtu ditulis para wartawan Pos Kupang

Penulis: Sipri Seko
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved