Tapaleuk

Rame-rame Sonde Lolos

Ama Tobo yang ada badiri di depan kaca ko loti dia pung muka te kaget karna Ina Feok su di dia pung balakang.

Rame-rame Sonde Lolos
GRAFIS POS KUPANG/TYA MEOK
ilustrasi 

POS-KUPANG.COM - Ama Tobo bangun pagi langsung mandi. Tao ini pagi bapatua ada mimpi apa ko mandi.

Ina Feok su bangun ma dia ada maloi-maloi dia pung laki yang su siap deng baju batik.

"We ama lu ini pagi su bastel momati. Lu mo pi mana papagi buta ini," Ina Feok togor dia pung laki.

Ama Tobo yang ada badiri di depan kaca ko loti dia pung muka te kaget karna Ina Feok su di dia pung balakang.

Baca: Intip Yuk! Ini 4 Alasan Yang Bikin Wanita Lebih Tua Memilih Pacari Brondong

Baca: Ramalan Zodiak Malam ini Selasa 13 November - Libra Penuh Gairah, Dedikasi Sagittarius Terbayar

Baca: Batal Tampil, Ekspresi Jimin BTS Di Bandara Jadi Sorotan, Tak Disangka Member BTS Lakukan Hal Ini

Ina Feok langsung tanya lai sama Tobo bilang mo pi mana.

Tobo biasa kaluar pagi itu kecuali tanggal satu karna mo pi ame uang pensiun. Tapi itu ju son pake batik.

"Ina, lu tao ko sonde, ini hari beta harus pi dengar pengumuman katong pung ana pung hasil ujian PeEnEs tu," Tobo omong ma dia ada serius sisir rambut.

"Ko kanapa lu pi sandiri ko sonde bawa deng dia supaya dia ju tao bisa iko ujian lai ato sonde," Ina Feok tanya lai dia pung laki.

Tobo yang su malas jawab, langsung pi di muka ko tunggu ojek. Dia baru bale blakang te Bai Ndu su sampe di dong rumah andia ko dia tota sadiki di rumah.

"Ama lu bagaya sama ke mo pi lamar pekerjaan sa. Lu mo pi mana ko pake resmi ini," Bai Ndu tanya lai sama Tobo.

Halaman
12
Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved