Tapaleuk

Sampah Mulai Mal'unuk

Maitua pung tahedek lai, lia dia pung tatangga tarek sampa kas kluar dari dalam got.

Sampah Mulai Mal'unuk
GRAFIS POS KUPANG/TYA MEOK
ilustrasi 

POS-KUPANG.COM - Ina Feok dudu lia hujan yang su turun brapa hari di Kota Kupang. Mamatua senang karna su sonde talalu panas lai, dong pung tanaman ju tar parlu siram, karna biasa musim bagini na dong masi beli aer tangki.

"Bae su ujan. Kotong tar parlu siram bunga lai. Lia sa bunga dong talalu sagar." Maitua dudu sambil baomong sandiri.

Abis ujan, maitua jalan kluar pi strat karna dia lia dong pung tatangga di sebla ada tasibuk pegang kayu ko tarek tarek dari dalam got.

Baca: BERITA TERPOPULER - Rebutan Korban Lion Air, Karna Su Sayang Dicuri dan Momen Penting MU vs MCity

Baca: Ramalan Zodiak Hari Ini, 12 November 2018, Pisces Hati-Hati, Aries Kencangkan Ikat Pinggang

Baca: Inilah 6 Drama Korea yang Dibintangi Shin Won Selain Drakor Legend of The Blue Sea

Maitua pung tahedek lai, lia dia pung tatangga tarek sampa kas kluar dari dalam got.

"Awi ini sampa tapoa dari mana ni. Ko slama ini got ada barisi ma kanapa ko skarang su ponu deng sampa ni. Ini su kalo musim ujan bar mulai na, kotong panen ini sampa dong. Tar tau orang dong ni tar ada pung sadar ko. Su ada TPS ju dong masi buang sampa sambarang, "Ina Feok bantu dia pung tatangga sambil mangomek.

Bolom lai ko ada sampa yang di strat, orang buang sampa dari atas motor, atas oto. Kong kira dong tenaga di kampong ko buang sampa harbabiruk.

Orang di Kota Kupang dong ni musti kas sadar ko jang buang sampa sambarang. Kalo dapa tangkap na musti bayar denda ko dong kapok. Kalo hanya kas ingat sa, dong sonde toe. Musti ada sanksi.

Gubernur sa bilang kota Kupang paling kamomos. Andia ko pa gub kas kluar instruksi tentang kebersihan tu. Harusnya pamarenta Kota Kupang yang lebe serius urus ini sampa. (hermina pello)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik ini hadir setiap hari Senin sampai Sabtu ditulis para wartawan Pos Kupang

Penulis: Hermina Pello
Editor: Putra
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved