Tapaleuk

Iko Tes Bae-bae

Ternyata Ama Tobo deng Bai Ndu salama ini ada bisnis ma Ina Feok ju sonde tao itu bisnis apa.

Iko Tes Bae-bae
GRAFIS POS KUPANG/TYA MEOK
ilustrasi 

POS-KUPANG.COM - Su mo satu minggu ini Bai Ndu pulang rumah su lat. Biasa dia jalan deng Ama Tobo, tapi karna Tobo sakarang ini ada jaga dia pung ana nona yang mo iko tes PNS.

"Ama kanapa ko lu su jarang bajalan, padahal katong dua pung bisnis lagi rame," Bai Ndu tanya Ama Tobo pelan-pelan.

Ternyata Ama Tobo deng Bai Ndu salama ini ada bisnis ma Ina Feok ju sonde tao itu bisnis apa.

"Ama e, beta ada jaga beta pung ana ko balajar te dia ini hari mo iko ujian PNS," Tobo kastao Bai Ndu.

Baca: BERITA TERPOPULER - Rebutan Korban Lion Air, Karna Su Sayang Dicuri dan Momen Penting MU vs MCity

Baca: Ramalan Zodiak Malam Ini, Minggu 11 November 2018, Cancer Bertemu Orang Egois, Libra Tersandung

Baca: Jadi Drama Korea Pertama yang Tayang di Youtube, Ini 4 Fakta Drakor Top Management

Ina Feok ada siap makan ko kasi makan dong pung ana ko su mo jalan pi ujian.
Bai Ndu hanya tanganga sa karna dia ada perasaan deng Ina Feok ko abis hampir tiap pagi dia su muncul di situ.

Dia sonde tao ini hari orang dong asa mo tes pegawe.

Dia ada mo ajak Tobo pi urus dia pung SIM te sakarang ada batilang rame.

"Ama abis na antar itu anak ko pi tes sudah. Pi na tunggu sampe dia abis tes baru
pulang sama-sama," Ina Feok suru dia pung laki supaya jang bajalan deng Bai Ndu.
Bai Ndu dengar bagitu te dia bangun ko pamit pulang.

"Ama jang pulang dolo ko katong minum kopi baru lu pulang," Tobo tahan Bai Ndu supaya dia mo pinjam Bai Ndu pung motor ko antar dia pung ana pi iko tes.

Bai Ndu su tao jadi dia tunggu ko dong minum kopi abis te Tobo langsung pinjam motor ko antar dia pung ana.

Sampe di tampa tes Tobo bingung karena banya orang ada mo iko tes pegawe. "Kalo maso ruang ujian na iko tes bae-bae e. jang berdoa e," Tobo langsung bale motor ko pulang.

Dia pulang dia carita Ina Feok deng Bai Ndu bilang orang talalu banya iko tes andia ko dia pusing lia banya orang.

"Ama lu jang omong bagitu karna itu orang pung hak kalo mo iko tes. Sakarang ini masih banya yang mo jadi pegawe te dong son mo kerja swasta," Ina Feok su sama ke pengamat. (oby lewanmeru)*

* Tapaleuk adalah rubrik khas Pos Kupang edisi cetak sejak awal terbit tahun 1992 yang isinya  secuil esai ringan mengenai aneka fenomena sosial yang dikemas dalam bahasa Kupang

* Rubrik ini hadir setiap hari Senin sampai Sabtu ditulis para wartawan Pos Kupang

Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved