PosKupang/

Kartu Kincing Berak dan Konto

Tinggal kentut ato konto sa yang masih gratis alis fareee... karna angin kentut kaluar dari pantat sonde babunyi.

Kartu Kincing Berak dan Konto
Pos Kupang/ant
Wisatawan menikmati suasana matahari terbenam di Pantai Pasir Panjang, Kupang, NTT. Menteri Pariwisata Arief Yahya mengatakan bahwa United Nation World Tourism Organization (UNWTO) atau organisasi pariwisata dunia di bawah PBB telah menjadikan Indonesia sebagai percontohan pariwisata yang sukses. (ANTARA FOTO/Rivan Awal Lingga)

Laporan wartawan Pos Kupang.Com, Ferry Ndoen

BUKAN cuma berak ato be'ol sa yang bayar, tapi demi meningkatkan pemasukan buat daera ato pad maka kincing ju musti bayar.

Ina Feok bacarita panjang lebar deng Bai Ndu soal keluan pedagang di Pasar Oebobo yang mangomek karna pi kinci ju musti bayar dua ribu rupia.

"Bet bisa bayangkan ada ratusan jiwa pedagang di Pasar Oebobo kalo tiap pagi dan sore dong pi kincing ... awi su barapa doi yang musti dong kasi kaluar," tany Ina Feok.

Bai Ndu langsung tangkis Ina Feok pung baomong. "Lu baomong tapi jang sama kek mangomel deng beta. Beta ju ada baca ame di koran Pos Kupang soal keluan pedagang yang ditarek uang kincing Rp 2.000.

Mestinya, pedagang dan anak pedagang fareee... kalo pi kincing pi berak... Kalo dong pung ana ada tiga orang tamba mama- bapa.. stiap pagi pasti musti kincing dan berak. Kalo berak pagi dan sore, ato pedagang ada parut sakit na ada barapa doiii yang musti pedagang kas kaluar untuk bayar masala kincing dan berak. Pedagang bisa bangkruuuttt ni," kata Bai Ndu.

Mestinya yang dikenakan tarekan retribusi kincing berak cum pembeli saa yang datang balanja.

"Kalo pedagang anak istri pedagang musti di kasi kartu kincing berak ato istilanya KKB. Jadi kalo pagi sore mau pi kincing berak ju garatis sa," kata Ina Feok. Kalo sonde pedagang bisa ancor suuu... bisa rugi. Tinggal kentut ato konto sa yang masih gratis alis fareee... karna angin kentut kaluar dari pantat sonde babunyi.... tapi tiba tiba su baboooo... alias su bauuu," kata Bai Ndu. (ferry ndoen)

Penulis: Ferry_Ndoen
Editor: Ferry_Ndoen
Sumber: Pos Kupang
Ikuti kami di
KOMENTAR
TRIBUNnews.com Network © 2017
About Us
Help