Baju Kabaya Deng Konde Kartini NTT

Bai Ndu pung mata agak tabalalak karna dia lia ame Ina Feok pung baju kabaya pung tipis dan pung merangsang laiii.

Baju Kabaya Deng Konde Kartini NTT
ferry ndoen
Sandu Kalvin, seorang Kartini NTT yang berprestasi di olahraga tinju saat tampil petinju putri ini ganas di ring tapi di rumah lebut dan suka memasak 

Laporan wartawan Pos Kupang.Com, ferry Ndoen

INA Feok keliatan agak masnanaok karna dia pung bagaya menor laiii.. Dia tampil pake baju kabaya deng konde rambut pung tafruik..

"Lu jang tatap beta sama ke mo makan sa.... beta cum bagaya sadiki deng tampil agak menor tapi kereeenn.. beta mo pi hadiri perayaan Hari Kartini di kantor lura," kata Ina Feok.

Bai Ndu pung mata agak tabalalak karna dia lia ame Ina Feok pung baju kabaya pung tipis dan pung merangsang laiii.

"Basok parampuan jang suka bekin katong laklaki jato dalam dosa.... basong pake bajo tipis bekin katong laklaki pung barang ikot takuju... basong parampuan kadang suka ba umpan ko bekin katong laklaki jato dalam dosa dan pencobaan. Pake pakean tuh jang talalu transparan dan manyala bagitu... bekin katong pung bulu badan dan bulu yang laen samua ikot tabadiri dan mata manyala mau taplocok,"kata Bai Ndu.

Ina Feok... cum katawa...Dia cum bilang kalo bisa.. laklaki tu.. kalo liat parampuan pake mata jang pake nafsu....

"Coba cara tatap tuh orang pung badan jang langsung napas ngos-ngosan ke anjing liat tulang ko mau sargap sa," kata Ina Feok kas ingat sam Bai Ndu.

Apalai sakarang ni Hari Kartini... itu simbol emansipasi parampuan dan simbol kebangkatan kaum parampuan. Basong laklaki na jadikan parampuan tu sebage mitra yang setara ato sebanding... jang karna katong parmpuan basong suka taro katong di bawa... dan laklaki suka ego slalu di atas.

"Emansipasi itu artinya kata setara ato sederajat... jang suka cap katong parampuan ni cum bisa di dapur ko urus ana saaa... katong ju bisa setara deng laklaki untuk samua hal.." kata Ina Feok.

Bai Ndu akirnya sadar kalo... jaman skarang su baruba...samua sama laklaki dan parampuan. (ferry ndoen)

Editor: Ferry Ndoen
Sumber: Pos Kupang
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved