Masi Balajar Ju

Bapatua pung ana parampuan tu su balajar mo mati sa, amper-amper pulang dari sakola ju sonde kaluar dari kamar karna balajar tarus. Ama Tobo pung bini sampe kasian deng itu ana, ko makan sa sampe tar ada waktu.

Ama Tobo sanyum sa, sonde baomong banya lai. Ko dari dulu dia su kasi inga deng itu ana ko balajar karna su mau ujian na, dia pung ana pung jawab bekin dia kakodok andia ko, Ama Tobo sonde mo togor lai. "Ko bapa tenang sa, masi lama, beta ju pasti balajar,". Biar dia pung ana janji mo balajar ma, itu parampuan bajalan  tarus tiap hari.

Tarlama ju Ama Tobo dapa dengar dia pung bini itu ana ko datang makan. Ama Tobo yang manyao deng dia pung bini. "Biar lu baca sampe itu mata matlolo keluar ju, sama sa, aer su di batang leher baru mo balajar. Lebe bae dudu sante sa, pi siklalotik sa, tar usa inga balajar lai," Ama Tobo

Itu ana parampuan tar toe deng dia pung bapa. Dia kaluar sambil pegang buku ko balajar. "Bapa tausa baribut, beta pasti lulus. Ko salama ini bapa sonde tau kalo beta pi balajar di kawan pung ruma, try out beta nile tinggi. Beta hanya taku sa beta lupa andia ko beta balajar ulang ni. Bapa jang kira salama ini beta hanya bahodeng ko basatel sa, beta pi balajar di kawan pung ruma" (hermina pello)